| [好耐冇post過野, 等我copy篇facebook notes過黎先, 原文自 http://www.facebook.com/note.php?note_id=105259587539 ]
今次呢篇係寫俾d 大人睇
解答你地幾個「都唔明點解你地d 年輕人 xyz xyz xyz xyz」
第一位：點解有電話唔傾要用sms ?
其實這個是 need for privacy 的表現
講電話雖然係快係方便係直接, 但有幾樣十分不好的事使人卻步
首先, 要講電話要常常拿著電話, 對於一些沒有handfree (例如我) 的人來講其實很痛苦, SMS就不會
其次, 若要開speaker的話, 則人人都聽到, 自己仲要嗌到勁大聲, 除非屋企冇人啦, 否則都不會這樣做, SMS就不會
再者, 講電話會俾人聽是你背景的事物, 例如我聽緊歌, 你打黎既話我就要聽你把聲冇得聽歌, SMS就不會
另外, 如果我做緊其他野, 例如打緊機, 你打俾我就等如我要專心聽你講野, 給你response, 也即是我不能專心打機, SMS則可以扔在一旁不理, 到我過左一關/出左去check MSN時才check 埋SMS. 在這點,
還有, SMS有得留底, 約人去邊度都唔駛抄底, 人地講左秘密又唔駛抄底, 還可以時刻拿來回味, 打電話的話, 相信沒有人會得閒錄音, 更沒有人會播回來聽
而且, SMS可以在課堂其間盲打, 收埋隻手在枱下狂打sms臉上還可以笑臉迎老師, 既能給老師良好印象, 又能在枱下跟隔離班的同學吹水約食lunch, 一舉多得, 電話無從能及
最後, SMS普遍唔駛錢, 因為大家都係 3, 而電話則要扣分鐘, 傾得多會爆
總括來說, SMS是asynchronous, 傾電話是 synchronous, 往往就是這個 asynchronosity 給人更多的 privacy, 更多的freedom, 所以我們年輕人寧願sms 都不想講電話
第二位：點解唔鍾意飛線返屋企？
咁都仲駛問, 梗係唔想屋企人知道自己有乜水搵我地啦!
想當年日本卡通片有個term叫「熱線」, 就是在家另外開多個number, 專俾d 熟frd打黎, 和跟熟frd狂講電話而不會阻著屋企的電話線
而家有左手提電話, 有多個新number時仲可以周圍帶, 基本上手提電話號碼就是我們現在的identity
出到街外識frd, 從來都不會講屋企電話number, 但手機number則可以大膽放上facebook任人睇
因為可以任人sms (反正收的不用錢), 任人打黎 (反正被搔擾時可以熄機, 又有caller ID可以blacklist人)
手機number已經是我們的 user ID! 屋企 number 就是 parent ID!
試問年輕人又怎會容許自己將自己的 user ID 跟 parent ID 融為一體？
還有啦, 而家呢個世界有 voice mail, 有得自己聽返晒d 重要的message, 相比起被飛線返到家中再由家人口中說出, 梗係揀voice mail 啦. 即使是對方, 面對voice mailbox 和 parent mailbox, 一定是 voice mailbox 能給對方更安全更暢所欲言的感覺
第三位：隔離peoples台有好平的月費plan呀.. 點解你死都要用 3?
因為唔知點解呢個年代所有年輕人都用 3
大家一齊用 3, sms就點send都唔駛錢
如果我一個唔合群, 我send俾每個frd都要幾亳子
當我一日send 30 個, 都已經3 蚊日啦, 一個月就凸 $90 !
自己俾都肉赤啦, 何況有時係屋企人俾錢, 見到我凸 $90 仲唔鬧到我死咩
所以就算 3 訊號收得廢金錢收得貴, 我地都係要用...
除非忽然間有個 "號召全港電話用戶一齊轉用 smartone!" 的facebook group 而大家又跟住一齊做啦
否則應該呢世年未必轉
第四位：點解你要長開震機姐, 仲要成日聽唔到電話響, 搵你都搵你唔到呀
對於一些 heavy SMS人來說, 唔開震機會使自己狂響, 響到搭一程地鐵都會俾人望住晒, 響到自己過馬路都覺得煩
對於上學一族來說, 唔長開震機就即係 put ourselves into jeopardy that 我地會唔記得熄聲, 然後電話響, 然後被沒收電話, 然後通知家長, 然後被家長罵, 然後被cut電話, 然後在我們年輕人的世界裏消失
對, 我們知道我們有時會 feel 不到震, 會Miss call, 所以我們其實sms多過講電話 (XD)
因為 sms 我得閒拿出來看就行, 從來都不會有「聽唔到電話響」的問題
第五位：點解你有相機唔用, 係都要用電話影相？ 個camera 好廢架咋喎...
袋少一舊device嘛, 再compact 的相機都至少 100g 啦
同埋呢個年代, 下下拿相機出來, 總沒有下下拿電話出來那麼型
還有, 我們日日都帶電話, 但不是日日都帶相機, 所以習慣用電話影相就不會有「忘了帶相機」的問題
同時我們也會show相俾frd 睇, 所以用電話就更加方便啦
第六位：點解你抽鎖匙扣電話繩仲大抽過部電話
我都不知點解, 因為我是男仔, 我沒有一巨抽鎖匙扣電話繩
同時間我也看到我的朋友仔愈來愈少人這樣做啦
一大由鎖匙扣電話繩, 其實是對自己的一個identity 吧
電話就係人都買到, okay易同人撞
但加埋自己的電話繩, 就即刻變得獨一無二, 愈加得多就愈獨一無二!!! 人地想學都學唔到啦! either 買唔到咁多/買唔到我個幾隻/唔會扣咁多在電話
第七位：你又話怕同人撞電話, 你又走去買 iPhone? 周街都見到喎...
[編者著：其實我完全唔用apple野, 但為了使這篇野完整, 就代入下apple addicts的角色吧]
iPhone 是不同的
正如我地唔會介意同人撞 iPod
因為「正統」music player 就只有 iPod!
而世界咁多電話的發明其實都是為「正統」的電話皇者鋪路.. iPhone!!!
iPhone 勁多apps 可以裝, 有得打機, 又有 iTunes 可以當埋 iPod, 仲可以摸下摸下咁touch, 勁型
相機/video 都有, 仲可以有app去在d相度畫公仔
仲有「地心吸力sensor」可以「碌黎碌去」睇相
用其他電話, 人地玩過下之後可能會有所批評, 話我部機點廢點廢
但用左 iPhone, 就從來都唔會有人再話我部機廢!
第八位：點解你有錶唔帶, 要用電話黎睇鐘?
因為我地其實成日都要拿出來看有冇 sms
同一個動作其實一定會睇到時間
所以其實我地都習慣是「拿部電話出來」的這個動作
所以要睇鐘時咪拿出來看, 順便睇埋有冇sms
第九位：唔見左部電話咪買過部囉.. 駛唔駛喊到咁呀?
梗係要啦!!!
電話本身都事少.. 入面裝左勁多超重要的野...
簡單的有 phone book ... 哇你叫我由頭入過晒d電話我真係死俾你睇... 仲有好多Friend 係唔會搵得返佢的電話, 雖然永世唔會搵佢地, 但冇左佢地的 entry , 始終覺得 phone book 得好少人, 好唔慣, 好似冇左種 "sense of having friends"
另外仲有各式sms... 先勿論佢情慾與否, 但sms真是很值得回味的一樣東西... 甜酸苦辣乜都有, 一時間冇晒, 真係好似冇左一忽memory 咁架...
仲有 calendar/schedule!! 我平時乜都入晒電話算架啦... 睇電話calendar做人架我... 而家冇晒, 我連聽日要去邊都唔知啦...
仲有我d相呢!!! 又冇晒.....
仲有我d歌呢!!! 又冇晒.....
仲有我d蚊聲..... 人地send俾我架.. download都download唔返.....
仲有鎖匙扣!!! 貼在上面的貼紙/閃閃石!!!! 辛苦download回來的games!!!! game入面的highscore!!!!
嗚嗚嗚嗚嗚嗚!!!!!!!!!!!!!!
第十位：點解你從來都唔會解釋呢d野俾我聽ge?
大佬, 咁鬼多個point , 一時之間又點講得晒呢... 你地而家睇呢篇野都睇左 5 分鐘啦...
更何況我講的話你地實會唔聽, 覺得係我怪係我唔岩既...
拿, 而家有個叫Eddy Wong 的人都咁講啦
你信我啦而家 v_v |
True